تعداد بازدید 1021

حیدر بابایه سلام

حیدر بابا ایلدریملار شاخاندا

سللر سولار شاقّیلدیوب آخاندا

قیزلار اونا صف باقلیوب باخاندا

سلام اولسون شوکتوزه ائلوزه

منیم ده بیر آدیم گلسین دیلوزه

تصویر: http://www.img.aziztarin.ir/2012/02/6344864950667835394.jpg

حیدر بابا کهلیکلرون اوچاندا

کول دیبینّن دوشان قالخیب قاچاندا

باخچالارون چیچکلنیب آچاندا

بیزدنده بیر ممکن اولسا یاد ایله

آچیلمیان اورکلری شاد ایله

بایرام یئلی چارداخلاری ییخاندا

نوروز گلی قار چیچگی چیخاندا

آغ بولوتلار کوینکلرین سیخاندا

بیزدنده بیر یاد ایلیه ن ساغ اولسون

دردلریمیز قوی دیکلسین داغ اولسون

حیدر بابا گون دالوی داغلاسین

یوزون گولسون بولاخلارون آغلاسین

اوشاخلارون بیر دسته گل باغلاسین

یئل گلنده ور گتیرسین بویانا

بلکه منیم یاتمیش بختیم اویانا

حیدر بابا سنون یوزون آغ اولسون

دؤرت بیر یانون بولاغ اولسون باغ اولسون

بیزدن سورا سنون باشون ساغ اولسون

دنیا قضو-قدر،ئولوم- ایتیمدی

دنیا بویی اوغولسوزدی ،یتیمدی

حیدر بابا یولوم سننن کج اولدی

عمروم کچدی گلممه دیم گج اولدی

هئچ بیلمه دیم گؤزللرین نج اولدی

بیلمزایدیم دنگه لر وار دونوم وار

ایتگین لیک وار آیرلیق وار ئولوم وار

حیدر بابا ایگیت امک ایتیرمز

عمر کچه ر ،افسوس بره بیتیرمز

نامرد اولان عمری باشا یتیرمز

بیزده وآللاه اونوتماریق سیزلری

گؤرممسک حلال ائدون بیزلری

حیدر بابا میر اژدر سسلننده

کند ایچینه سسدن-کویدن دوشنده

عاشق رستم سازین دیللندیرنده

یادوندادی نه هولسک قاچاردیم؟

قوشلار تکین قاناد چالیب اوچاردیم.

شنگل آوا یوردی عاشیق آلماسی

گاهدا گئدوب اوردا قوناخ قالماسی

داش آتماسی آلما هیوا آتماسی

قالیب شیرین یوخی کیمی یادیمدا

اثر قویوب روحیمدا هر زادیمدا

حیدر بابا قوری گؤلون قازلاری

گدیکلرون سازاق چالان سازلاری

کت- کؤشنین پاییزلاری یازلاری

بیر سینما پرده سی دیر گؤزومده

تک اوتوروب سیر ائدیرم ئوزومده

حیدر بابا قره چمن جاداسی

چووشلارین گله ر سسی-صداسی

کربلیا گئدنلرین قاداسی

دوشسون بو آج یولسوزلارین گؤزونه

تمدّنون اویدوخ یالان سؤزونه

حیدر بابا شیطان بیزی آزدیریپ

محبتی اورکلردن قازدیریپ

قره گونون سرنوشتین یازدیریپ

سالب خلقی بیر بیرینون جانینا

بارشیغی بلشدیروب قانینا

تصویر: http://www.funcloob.ir/files/1389/12/nima-and-shahriar-www.funcloob.ir.jpg

گؤز یاشینا باخان اولسا قان آخماز

انسان اولان خنجر بئلینه تاخماز

امّا حیف کور توتدوغون بوراخماز

بهشتیمیز جهنّم اولماقدادیر

ذیحجّه میز محرّم اولماقدادیر

خزان یئلی یارپاخلاری تؤکنده

بولوت داغدان ینیب کنده چؤکنده

شیخ الاسلام گؤزل سسین چکنده

نسکللی سؤز اورکلره دیردی

آغاشلاردا آللاها باش ایه ر دی

داشلی بولاخ داش قومونان دولماسین

باخچالاری سارالماسین سولماسین

اوردان کچن آتلی سوسوز اولماسین

دینه بولاخ خیرون اولسون آخارسان

افقلره خمار-خمار باخارسان

حیدر بابا داغین داشین سره سی

کهلیک اوخور دالیسیندا فره سی

قوزولارین آغی بوزی قره سی

بیر گئدیدیم داغ دره لر اوزونی

اوخوییدیم ((چوبان قیتر قوزونی))

حیدر بابا سولی یرین دوزونده

بولاخ قینر چای چمنین گؤزونده

بولاغ اوتی اوزه ر سویون یوزونده

گؤزل قوشلار اوردان گلیب کچللر

خلوتلیوب بولاخدان سو ایچللر

بیچین اوستی سنبل بیچن اوراخلار

ایله بیل که زلفی دارار داراخلار

شکارچیلار بیلدیرچینی سوراخلار

بیچین چیلر آیرانلارین ایچللر

بیر هوشلانیب سوندان دوروب بیچللر

حیدر بابا کندین گونی باتاندا

اوشاقلارون شامین ییوب یاتاندا

آی بولوتدان چیخوب قاش- گؤز آتاندا

بیزدنده بیر سن اولارا قصه ده

قصه میزده چوخلی غم و غصّه ده

قاری ننه گئجه ناغیل دینده

کولک قالخیب قاب-باجانی دؤینده

قورد گئچینین شنگلسین یینده

من قایدیب بیرده اوشاق اولیدیم

بیر گل آچیب اوننان سورا سولیدیم

عمّه جانین بال بلله سین ییه ردیم

سوندان دوروب اوس دونومی گییه ردیم

باخچالاردا تیرینگنی دییه ردیم

آی ئوزومی او ازدیرن گونلریم

آغاج مینوب آت گزدیرن گونلریم

تصویر: https://rozup.ir/up/ttttabriz/Pictures/10_11_30_917423.jpg

هجی خالا چایدا پالتار یوواردی

ممد صادق داملارینی سوواردی

هچ بیلمزدیک داغدی داشدی دوواردی

هر یان گلیب شیللاق آتوب آشاردیق

آلله نه خوش غمسیز -غمسیز یاشاردیق

تصویر: https://rozup.ir/up/ttttabriz/Pictures/30_8606260528_L600.jpg

شیخ الاسلام مناجاتی دییه ردی

مشد رحیم لباده نی گییه ردی

مشد آجلی بوز باشلاری ییه ردی

بیز خوشودوق خیرات اولسون توی اولسون

فرق ایله مز هر نولاجاق قوی اولسون

تصویر: https://rozup.ir/up/ttttabriz/Pictures/983bb83a00.jpg

ملک نیاز ورندلین سالاردی

آتین چاپوپ قیقاجیدان چالردی

قیرقی نکین گدیک باشین آلاردی

دولائیا قیزلار آچیپ پنجره

پنجره لر ده نه گؤزل منظره

استاد شهریارین آتاسی (پدر استاد شهریار )

تصویر: https://rozup.ir/up/ttttabriz/Pictures/35___1300_1310__shehriyarin_atasi.jpg

___________________________________________________________________________________

عزیزه خانم (همسر استاد شهریار)

تصویر: https://rozup.ir/up/ttttabriz/Pictures/41___1334__ezize__sherzad.jpg

حیدر بابا کندین تویون توتاندا

قیز-گلینلر،حنا-پیلته ساتاندا

بیگ،گلینه دامنان آلما آتاندا

منیمده او قیزلاریندا گؤزوم وار

عاشیقلارین سازلاریندا سؤزوم وار

تصویر: https://rozup.ir/up/ttttabriz/Pictures/4699mcj88mwk2d6kqyvu.jpg

حیدر بابا بولاخلارین یارپیزی

بوستانلارین گلبسری قارپیزی

چرچیلرین اغ نباتی ساققیزی

ایندیده وار داماغیمدا داد وره ر

ایتگین گئدن کونلریمدن یاد وره ر

تصویر: https://rozup.ir/up/ttttabriz/Pictures/122941_553.jpg

بایرامیدی گئجه قوشی اوخوردی

آداخلی قیز بیک جورابین توخوردی

هر کس شالین بیر باجادان سوخوردی

آی نه گؤزل قایدادی شال ساللاماق

بیک شالینا بایراملغین باغلاماق

تصویر: https://rozup.ir/up/ttttabriz/Pictures/13466619646.jpg

شال ایسته دیم منده ائوده آغلادیم

بیر شال آلیب تئز بئلیمه باغلادیم

غلام گیله قاشدیم شالی ساللادیم

فاطما خالا منه جوراب باغلادی

خان ننه می یادا سالیب آغلادی

تصویر: https://rozup.ir/up/ttttabriz/Pictures/13466621533.jpg

حیدر بابا میرزممدین باخچاسی

باخچالارین تورشا شیرین آلچاسی

گلینلرین دوزمه لری طاخچاسی

هی دوزولور گؤزلریمین رفینده

خیمه وورار خاطره لر صفینده

تصویر: https://rozup.ir/up/ttttabriz/Pictures/13466621776.jpg

بایرام اولوب قیزیل پالچیق ازللر

ناقیش ووروب اتاقلاری بزللر

طاخجالارا دوزمه لری دوزللر

قیز-گلینین فندقچاسی حناسی

هوسلنه ر آناسی قایناناسی

تصویر: https://rozup.ir/up/ttttabriz/Pictures/376370_sWJ4Vmao.jpg

باکی چینین سؤزی سووی کاغذی

اینکلرین بولاماسی آغزی

چرشنبه نین گردکانی مویزی

قیزلار دییه ر آتیل-باتیل چرشنبه

آینا تکین بختیم آچیل چرشنبه

تصویر: https://rozup.ir/up/ttttabriz/Pictures/13466622541.jpg

یومورتانی گؤیچک گلّی بویاردیق

جاقّیشدریب سینانلارین سویاردیق

اویناماقدان بیرجه مگر دویاردیق

علی منه یاشیل آشیق وئرردی

ارضا منه نوروز گلی درردی

تصویر: https://rozup.ir/up/ttttabriz/Pictures/13466622629.jpg

نوروز علی خرمنده ول سورردی

گاهدان ینوب کولشلری کورردی

داغداندا بیر چوبان ایتی هورردی

اوندا گؤردون الاخ ایاخ ساخلادی

داغا باخیب قولاخلارین شاخلادی

تصویر: https://rozup.ir/up/ttttabriz/Pictures/ostad_1.jpg

آخشام باشی ناخیر یلان گلنده

قودوخلاری چکیب ووراردیق بنده

ناخیر گچیب-گئدیب یتنده کنده

حیوانلاری چلپاق مینوب قوواردیق

سؤز چخسیدی سینه گریب سوواردیق

تصویر: https://rozup.ir/up/ttttabriz/Pictures/1364202828400.jpg

یاز گئجه سی چایدا سولار شاریلدار

داش-قیه لر سلده آشیب خاریلدار

قانلیقدا قوردون گؤزی پاریلدار

ایتلر گؤردون قوردی سئچوب اولاشدی

قورددا گؤردون قالخیب گدیکدن آشدی

تصویر: https://rozup.ir/up/ttttabriz/Pictures/13642029750.jpg

قیش گئجه سی طوله لرین اتاغی

کتلیلرین اوتراغی یاتاغی

بخایدا یانار اوتون یاناغی

شبچره سی گردکانی ایده سی

کنده باسار گولوب دانشماق سسی

تصویر: https://rozup.ir/up/ttttabriz/Pictures/76443053376233668036.jpg

شجا خال اوغلونون باکی سوقتی

دامدا قوران سماواری صحبتی

یادیمدادی شسلی قدی-قامتی

جونم مگون تویی دؤنوب یاس اولدی

ننه قیزین بخت آیناسی کاس اولدی

تصویر: https://rozup.ir/up/ttttabriz/Pictures/Ostad_9.jpg

حیدر بابا ننه قیزین گوزلری

رخشنده نین شیرین -شیرین سؤزلری

ترکی دئدیم اوخوسونلار ئوزلری

بیلسینلر که آدام گئدر آد قالار

یاخشی پیسدن آغیزدا بیر داد قالار

تصویر: https://rozup.ir/up/ttttabriz/Pictures/shariar.jpg

یاز قاباقی گون گونئی دؤینده

کند اوشاغی قار گولله سین سؤینده

کورکچیلر داغدا کورک زوینده

منیم روحوم ایله بیلون اوردادور

کهلیک کیمین باتیب قالیب قاردادور

تصویر: https://rozup.ir/up/ttttabriz/Pictures/TTTTabriz.jpg

قاری ننه اوزاداندا ایشینی

گون بولوتدا ایرردی تشینی

قورد قوجالیب چکدیرنده دیشینی

سوری قالخیب دولائیدان آشاردی

بایدالارین سوتی آشیب -داشاردی

تصویر: https://rozup.ir/up/ttttabriz/Pictures/ustad_shahriyar_1.jpg

خجّه سلطان عمه دیشین قیساردی

ملا باقر عمواوغلی تئز میساردی

تندیر یانیب توستی ائوی باساردی

چایدانمیز ارسین اوسته قایناردی

قوورقامیز ساز ایچینده اویناردی

تصویر: https://rozup.ir/up/ttttabriz/Pictures/ustad_shahriyar_2.jpg

بستان پوزوب گتیریردیک آشاغی

دولدوریردیق ائوده تاختا-طاباقی

تندیرلرده پیشیرردیک قاباغی

ئوزون ییوب تخملارین چیتداردیق

چوخ یمکدن لاپ آز قالا چاتداردیق

تصویر: https://rozup.ir/up/ttttabriz/Pictures/ustad_shahriyar_3.jpg

ورزغاننان آرموت ساتان گلنده

اوشاقلارین سسی دوشردی کنده

بیزده بویاننان اشیدیب بیلنده

شیللاق آتیب بیر قیشقیق سالاردیق

بوغدا وئریب آرموتلاردان آلاردیق

تصویر: https://rozup.ir/up/ttttabriz/Pictures/ustad_shahriyar_10.jpg

میرزا تاغی نان گئجه گتدیک چایا

من باخیرام سلده بوغولموش آیا

بیردن ایشیق دوشدی اوتای باخچایا

ای وای دئدیک قورددی قیتدیک قاشدیق

هچ بیلمه دیک نه وقت گدیکدن آشدیق

حیدر بابا آغاجلارون اوجالدی

امّا حیف جوانلارین قوجالدی

توخلیلارین آریخلیوب آجالدی

کؤلگه دؤندی گون باتدی قاش قرلدی

قوردون گؤزی قارانلیقدا برلدی

اشیتمیشم یانیر آللاه چراغی

دایر اولوب مسجدیزون بولاغی

راحت اولوب کندین ائوی-اوشاغی

منصور خانین الی-قولی وار اولسون

هاردا قالسا آللاه اونا یار اولسون

حیدر بابا ملا ابراهیم وار یا یوخ؟

مکتب آچار اوخور اوشاقلار یا یوخ؟

خرمن اوستی مکتبی باغلار یا یوخ؟

مندن آخوندا یتیررسن سلام

ادبلی بیر سلام مالا کلام

خجّه سلطان عمه گئدیب تبریزه

امّا نه تبریز که گلممیر بیزه

بالام دورون قویاخ گئداخ ائممیزه

آقا ئولدی تفاقمیز داغیلدی

قویون اولان یاد گئدوبن ساغیلدی

حیدر بابا دنیا یالان دنیادی

سلیماندان نوحدان قالن دنیادی

اوغول دوغان درده سالان دنیادی

هر کیمسیه هر نه وئریب آلیبدی

افلاطوندان بیر قوری آد قالیبدی

تصویر: http://www.asemooni.com/img/shahriar1.jpg

حیدر بابا یار-یولداشلار دؤندولر

بیر-بیر منی چؤلده قویوب چؤندولر

چشمه لریم چراغلاریم سؤندولر

یامان یئرده گون دؤندی آخشام اولدی

دنیا منه خرابه شام اولدی

عم اوغلینان گئدن گئجه قیپچاغا

آی که چیخدی آتلار گلدی اویناغا

دیرماشیردیق داغدان آشیردیق داغا

مش ممی خان گؤی آتینی اویناتدی

تفنگینی آشیردی شاققیلداتدی

حیدر بابا قره کولون دره سی 52

خشکنابین یولی بندی بره سی

اوردا دوشر چیل کهلیگین فره سی

اوردان گئچر یوردوموزون ئوزونه

بیزده گئچک یوردوموزون سؤزونه

تصویر: http://www.miyanali.com/patch2image.php?patch=usr/mehdidehghani8/gal71.jpg&901436814

خشکنابی یامان گونه کیم سالیب؟ 53

سیدلردن کیم قیرلیب کیم قالیب؟

آمیر غفار دام-داشینی کیم آلیب؟

بولاخ گنه گلیب گؤلی دولدورور؟

یا قورویوب باخچالاری سولدورور؟

تصویر: http://images.persianblog.ir/591670_HCFwqzfb.jpg

آمیر غفار سیدلرین تاجیدی

شاهلار شکار ائتمه سی قیقاجی دی

مرده شیرین نامرده چوخ آجیدی

مظلوملارین حقّی اوسته اسردی

ظالملری قلیش تکین کسردی

تصویر: http://1doost.com/Files/Pictures/1391/06/27/1347863292.jpg

میر مصطفی دایی اوجا بوی بابا

هیکللی ساققاللی تولستوی بابا

ایلردی یاس مجلسینی توی بابا

خشکنابین آبروسی اردمی

مسجدلرین مجلسلرین گؤرکمی

تصویر: http://cdn.akairan.com/akairan/aka/images/a-fa/fa1/adab10.jpg

مجد السادات گولردی باغلار کیمی

گورولداردی بولوتلی داغلار کیمی

سؤز آغزیندا اریردی یاغلار کیمی

آلنی آچیق یاخشی درین قاناردی

یاشیل گؤزلر چراغ تکین یاناردی

تصویر: http://nasrnews.ir/Portals/0/fhfgh.jpg

منیم آتام سفره لی بیر کیشیدی

ائل الیندن توتماق اونون ایشیدی

گؤزاارین آخره قالمیشیدی

اوندان سورا دؤنر گه لر دؤندولر

محبتین چراخلاری سؤندولر

تصویر: http://t1.gstatic.com/images?q=tbn:ANd9GcRG2ZZ0qIHR1Wq7HvLgIVBBoC0LZw59BHhBtTQrcB9NlmusPeH-Vg

میر صالحین دهدلی سولیق اتمه سی

میر عزیزین شیرین شاخسی گتمه سی

میر ممدین قورولملسی بیتمه سی

ایندی دئسک احوالاتدی ناغیلدی

گچدی گئتدی ایتدی باتدی داغیلدی

تصویر: http://www.up.98ia.com/images/s3lh62jagp2wb581hv92.jpg

میر عبدلون آینادا قاش یاخماسی

جؤجلریندن قاشینون آخماسی

بویلانماسی دام دوواردان باخماسی

شاه عباسین دوربینی یادش بخیر

خشکنابین خوش گونی یادش بخیر

تصویر: http://daneshnameh.roshd.ir/mavara/img/daneshnameh_up/4/4e/shahreyar9569.JPG

ستاره عمه نزیکلری یاپاردی

میر قادرده هر دم بیرین قاپاردی

قاپوپ ییوب دایچا تکین چاپاردی

گولمه لیدی اونون نزیک قاپپاسی

عمه مینده ارسینیون شاپپاسی

تصویر: http://www.teribon.org/base/img/2010/11/147.jpg

حیدر بابا آمیر حیدر نینیور ؟

یقین گنه سماواری قینیور؟

دای قوجالیب آلت انگینه ن چینیور

قولاخ باتیب گؤزی گیریب قاشینا

یازیق عمه هاوا گلیب باشینا

تصویر: http://www.aharri.com/wp-content/uploads/2013/02/ustad-shahriyar-6.jpg

خانم عمه میر عبدلون سؤزونی

ائشیدنده ایه ر آغزی گوزونی

ملکامدا وئرر اونون ئوزونی

دعوالارین شوخلوغیلان قاتاللار

اتی ییوب باشی آتوب یاتاللار

تصویر: http://uc.niksalehi.com/images/gev126fzvbtgpm0a43yk.jpg

فضّه خانم خشکنابین گلییدی

آمیر یحیی عمقیزنون قولییدی

رخساره آرتسییدی سؤگلییدی

سید حسین میر صالحی یانسیلار

آمیر جعفر غیرتلیدیر قان سالار

تصویر: http://eliminsesi.arzublog.com/uploads/eliminsesi/t-M007.JPG

سحر تئزدن ناخیر چیلار گلردی

قویون-قوزی،دام باجادا ملردی

عمه جانیم کؤرپه لرین بلردی

تندیر لرین قاوزاناردی توستوسی

چؤرکلرین گؤزل اییی-ایستیسی

تصویر: http://files.wikipg.com//images/context/images/- از راست استاد شهریار ، شراگیم فرزند نیما و علی اسفندیاری ( نیما یوشیج ).jpg

گؤرچینلر دسته قالخیب اوچاللار

گون ساچاندا قیزیل پرده آچاللار

قیزیل پرده آچیب ییغیب قاچاللار

گون اوجالیب آرتار داغین جلالی

طبیعتین جوانلانار جمالی

تصویر: http://yashilvatan.ir/Portals/0/Images/32_images.jpg

حیدر بابا قارلی داغلار آشاندا

گئجه کروان یولون آشیب چاشاندا

من هارداسام تهراندا یا کاشاندا

اوزاقلاردان گؤزوم سئچر اونلاری

خیال گلیب آشیب گئچر اونلاری

تصویر: http://media-cache-ak0.pinimg.com/236x/d2/bc/ba/d2bcba79a237c4b246f65d446667b572.jpg

بیر چیخیدیم ((دام قیه)) نین داشینا

بیر باخیدیم گچمیشینه یاشینا

بیر گؤریدیم نه لر گلیب باشینا

منده اونون قارلاریلان آغلاردیم

قیش دوندوران اورکلری داغلاردیم

تصویر: http://t2.gstatic.com/images?q=tbn:ANd9GcQVhVE1ZnI-q9TiBsTgTbw74SQeP9WpLZRaKXWlEMoVfw-p3Zwa

حیدر بابا گل غنچه سی خنداندی

امّا حیف اورک غذاسی قاندی

زندگانلیق بیر قارانلیق زنداندی

بو زندانین دربچه سین آچان یوخ

بو دارلیقدان بیر قورتولوب قاچان یوخ

حیدر بابا گؤیلر بوتون دوماندی

گونلریمیز بیر-بیریندن یاماندی

بیر بیروزدن آیریلماین آماندی

یاخشیلیغی المیزدن آلیبلار

یاخشی بیزی یامان گونه سالیبلار

بیر سوروشون بو قارقینمیش فلکدن

نه ایستیور بو قوردوغی کلکدن

دینه گچیرت اولدوزلاری الکدن

قوی تؤکولسون بو یئر یوزی داغیلسین

بو شیطانلیق قورقوسی بیر یغیلسین

بیر اوچیدیم بوچرپینان یئلینن

باغلاشیدیم داغدان آشان سئلینن

آغلاشیدیم اوزاق دوشن ائلینن

بیر گؤریدیم آیرلیغی کیم سالدی

اؤلکه میزده کیم قیریلدی کیم قالدی

من سنون تک داغا سالدیم نفسی

سنده قیتر گؤیلره سال بو سسی

بایقوشوندا دار اولماسین قفسی

بوردا بیر شیر داردا قالیب باغیریر

مروّتسیز انسانلاری چاغیریر

حیدر بابا غیرت قانون قاینار کن

قره قوشلار سنن قوپوب قالخار کن

اوسیلدیریم داشلارینان اوینار کن

قوزان منیم همتمی اوردا گؤر

اوردان اییل قامتمی داردا گؤر

حیدر بابا گئجه دورنا گئچنده

کور اوغلونونگؤزی قارا سئچنده

قیر آتینی مینوب کسیب بیچنده

منده بوردان تئز مطلبه چاتمارام

ایوز گلیب چاتمیونجان یاتمارام

حیدر بابا مرد اوغوللار دوغگینان

نامردلرین بورونلارین اوغگینان

گدیکلرده قوردلاری توت بوغگینان

قوی قوزولار آیین- شایین اوتلاسین

قویونلارون قویروقلارین قاتلاسین

حیدر بابا سنون گؤیلون شاد اولسون

دنیا وارکن آغزون دولی داد اولسون

سنّن گئچه ن تانیش اولسون یاد اولسون

دینه منیم شاعر اوغلوم شهریار

بیر عمردور غم اوستونه غم قالار

تصویر: http://media.farsnews.com/media/Uploaded/Files/Images/1392/06/26/13920626000721_PhotoL_V.jpg

تصویر: https://rozup.ir/up/ttttabriz/Pictures/مقبره_الشعرا.jpg

تصویر: https://rozup.ir/up/ttttabriz/Pictures/800px_Poets_Mausoleum_Tabriz.JPG

سلام.بسيار عالي بودن.

ممنون

تعداد بازدید 1021 حیدربابایه سلام/عکسهای استاد شهریار
نویسنده	پیام