((گوردیم))

گنه ده اوزگولیمی گلشن اغیاریده گوردوم

او گوزل لاله نی من باغچادا بیر خاریله گوردوم

باغریما سازی باسیب بادیله آغلامیشام

غم یوخوسوندایاتیب دتلی باشی داریله گوردوم

اریدیبدور غم هجراندا منی شمع سایاغی

اول گوزل بولبولی بیر شاخه ده من ساریله گوردوم

بیر یامان گونله منیم غملریم آرتیب داشاجاق

گوزوم آچدیم او گوزل کهلیگی من قاریله گوردوم

او محبت بینه سین عشقیله اکمیش سینمه

باغچامیزدا گنه من غم آغاجین باریله گوردیم

صادقی چوخدا گوزلیکلره سن باغلاما بل

چون وفاسیزلیقی من چوخلی گوزل یاریله گوردیم